fbpx

Terrible Two عمر السنتين و مرحلة ال

Terrible Two عمر السنتين و مرحلة ال

أحيانًا بتمنى علّق ورقة على ياسر مكتوب عليها :

( للتذكرة: عمري سنتين. فأنا بمرحلة ال Terrible Two)

في فرق كتير كبير بين التساهل والدلع بتربية الطفل، و بين التغاضي و التفهم لتصرفات معيّنة بمراحل معيّنة

مرّات بكون كتير محرجة لمّا كون مع ناس و ياسر يتصرّف بعند أو فوضويّة، و إحراجي مو من تصرفاته، لأنو أنا عن نفسي متقبّلة هذا التحوّل و التغييّر بتصرفاته و اللي هية ضروري نتركها و نتقبّلها لحتى تتكوّن شخصيته. بس احراجي بكون من ردّة فعل الناس على تصرّفي اللي ممكن يعتبروه إهمال أو إني عم دلعه..

بنفس الوقت أكيد في تصرّفات ومواقف لا تستدعي التساهل، بدها إرشاد و حزم. بس هالمرحلة عنجد صعبة و مو من قليل عُرفت بال “Terrible Two “

و بصراحة أحيانا أنا اللي بحاجة لهالتذكِرة لحتى ما انفعل على مواقف هية فقط طبيعية لولد بهالعمر.

انتو كيف بتتعاملوا مع هالمواقف لما تكونوا مع ناس أو بمكان عام؟

Leave a Reply

Your email address will not be published.