fbpx

Sleep Over – المبيت عند الأصدقاء

Sleep Over – المبيت عند الأصدقاء


تالية قضت آخر weekend النا بالبلد نايمة كل يوم عند رفيقة, لتودعهم, أهلهم هم أعز أصدقائي.

بعرف كتير ناس ضد فكرة النوم برا البيت. بس أنا كتير مع هالموضوع و بحبه كتيىر.

ماما بِحُكم طبيعة حياة جدو و تيتة و السفر معظم الأوقات, كانت كتير تزور عند أصدقائهم و بنفس الوقت صحباتهم بسافروا معهم. و نحن كبرنا، أهلي ما كان عندهم مانع بهالفكرة.

أهم شرطين:

١. أن يكونوا بيعرفوا الأهل و واثقين منهم.

٢. ما يكون في أخ كبير بالبيت.

أحلى الذكريات هي ذكرياتي بالمبيت عند رفقاتنا. بس الشيء اللي هلأ لقيته مفيد لما بسمح لتالية تنام عند رفقاتها هو نقطة تيتة حكتلي ياها وقت اللي سألتها مرة كيف بتنصحني اتعامل مع تالية لبناء شخصيتها.

قاتلي “خليها تزور عند صحابكم. منها بتتعود تبعد عنك و تستقل منك و منها بتعرفي تربيتك الها وكيف بتتصرف بدون إرشاداتك. و بعدين قولي للأم تحكيلك عنها, و شو عملت و عن تصرفاتها ان كان سلبية أو إيجابية. و هية كمان بتكسب تتعلم أشياء من هالعيلة وبصير في تبادل تجارب وثقافات.”

و عنجد هالشي كتير صح! ولامسته بكل مرة خليتها تنام عند صحابنا. بالإضافة إلى تقوية شخصيتها و متعة التجربة اللتي لا توصف.

حكولي انتم مع أو ضد نوم الطفل برا بيته و ليش؟

Leave a Reply

Your email address will not be published.