fbpx

Minimalism – التقليل أو التبسيط

Minimalism – التقليل أو التبسيط


فرشة و طاولة و طنجرتين.

صرلي ثلاثة شهور على هالكم غرض.


هالشي كتير جعلني أشعر بأهمية القضاء على البذخ الذي لا نريده واللي فوق احتياجنا.

أول كم اسبوع كنت بفارغ الصبر لوصول أغراضنا📦📦. بس بعد ما طولوا, ما عاد عندي ذات التعلق فيهم. بالعكس صرت حس حالي خفيفة و الغراض اللي معي هية فعلا حاجتي فقط. اكتر من هالأواعي ما بلبس. اكتر من ٦ كاسات بالمطبخ مالي محتاجة. (الشي الوحيد للحقيقة اللي لهلأ ما قدرت اتأقلم بدونه هو المايكرويف) 🙄

انا و رامي من اكتر ناس عنا غراض بالحياة. كراكيب و ذكريات و شغلنا من الجامعة و عينات من كل تصميم منعمله.. لما صار بدنا ننقل، فكرة التخلي عن غرض ولو بتعرفي انك ما حتستعمليه بحد ذاتها مو سهلة. بس لما تضطري بتنبسطي بحالك.
.
من بعد هالتجربة قررنا بدنا نبلش حياتنا الجديدة بالعيش بفكرة الـــ minimalism : التقليل أو التبسيط

عنجد راحة نفسية وكتير بتعلّم التجرد من التعلّق بغرض أو حتى بمكان.

يلا تجربوا؟

كم فكرة من تجربتي ساعدتني عالتقليل والتخلّص:

١. حددي بعزيمة فترة ضب بدك تقضي فيها على كل شي فائض.

٢. تحدي نفسك. بصراحة كلنا كل فترة منضب ومنتخلص من أشياء. بس بتكون يا قديمة يا منزوعة. بس التخلص من الجديد و الجميل و المفيد أصعب. فتحدّي نفسك بالقدرة على ذلك طالما الشيء غير مستخدم.

٣. تقييمك لأهمية الغرض بحياتك هية معتمدة على متى كانت اخر فترة استخدمتي فيه هذا الغرض. اذا سنة كاملة ما استخدمتيه و برأيك ال ٦ أشهر القادمة لن تستخدميه فهو ليس ضروري.

٤. إذا كنت مثلي من محبي الذكريات. و بعرف في أشياء أحلى تكون ملموسة، بس خيار الديجيتال أيضا يساعد على إبقاء الذكرى. فالحل هو تصوير و توثيق هذه الذكريات.

٥. شاركي أطفالك هي العملية و اجعليهم جزء منها بالتخلي عن مالا يحتاجونه. الجميل أني تفاجأت بولادي و قديش تخلصوا من معظم أغراضهم و تركوا القليل اللي عنجد بحبوه. انا كنت أسألهم اكيد مابدكم هي (لأنها غالية او جديدة) بس هاد دليل قديش الولد ما بيفرق معه غلاء اللعبة و كلها كم لعبة محتاجينها مو أكثر.

يلا؟😊

Leave a Reply

Your email address will not be published.