fbpx

A Day Out

A Day Out

مبارح تالية ما راحت عالمدرسة فبقينا أنا وياها سوا. لعبنا ورسمنا وأكلنا وبعدين قلتلها تروحي عالمول نتسوّق، أقنعتها كتير لرضيت (مسكينة يمكن إجاها الصورة المعتادة: صورة أي أم بتروح عالسوق مع ولادها👻🤯 لهيك ما كان بدها😄).. فحاولْت الطلعة تكون أساسها هية. أولا بس دخلْت محلّين مشان ما تتعب وخليتها هية اللي تشتري على كيفها و تختار الها ولياسر. وبعدين اشتريتلها هالشنطة وقلتلها منقعد بقهوة ومنلوّنها..تسلّينا كتير وارجعنا كانت كتير مبسوطة والها من مبارح لليوم بتحكي قديش انبسطت بهالهديّة وانو ساويناها سوا ومنيمتها معها بالتخت💕
.

كلنا منعرف قديش مهم نخصص وقت لكل ولد من ولادنا لحاله، إن كان مع أمه أو مع أبوه وهالشي أغلب الأوقات بكونوا الأهل حريصين يعملوه لمّا الأم بتولد لحتى يخففوا عن الولد غيرته بوجود فرد جديد آخد اهتمامه من أهله. بس للأسف ظروفنا مو دايما بتسمح. معظم الأوقات منكون كلنا مع بعض

بس خلّينا نجعلها عادة! كل فترة يكون في مشوار مع أحد الأهل لكل ولد، الها ومتعة وأثر غير، خاصة عالطفل. 🧒👧 .

امتى آخر مرة رحتوا هيك مشوار مع أحد أولادكم؟ وشو ساويتوا؟ شاركونا لناخد أفكار من بعض

Leave a Reply

Your email address will not be published.