fbpx

محطة جديدة من حياتنا

محطة جديدة من حياتنا

و هلأ صرلي شهر ونص منتقلة على اسطنبول وتاركة قطر.

قرار اتخذناه لم يكن سهلا بس الحمد لله تجربة ومحطة جديدة, ما منعرف مدتها.

حبينا نجرب نعيش ببلد جديد.حياة مختلفة و بيئة وثقافة جديدة.

أنا و رامي صدفة نحن الاثنين تربينا في السعودية, درسنا بالإمارات و عشنا حياتنا الزوجية الى الآن في قطر. يعني في الخليج.

حياة منحبها وتعودنا على نمطها ومن هلأ اشتقنالها. بس بما أن الحياة, والحمد لله, أعطتنا فرصة, أحببنا التغيير.

أكتر شي كنت عم فكر فيه ويقلقني كان تأثير النقلة على تالية وياسر, تغيير مدارسهم وتغيير الرفقة كل مرة, ولكن بعد قرآتي عن الموضوع ومدى تأثير التغيير المستمر عالأولاد تشجعت كونه أولادي بعمر صغير والتغيير لن يكون سلبي, بل وجدت فيه أمور إيجابية.. وسمعت جملة أعجبتني من صديقة مرّت بتجربة مماثلة وتنقّل مستمر.

قالت لي

” نحن منعكس عالأولاد مدى تقبلهم للتغيير. إذا حسوا علينا مهمومين و مكتئبين, لح يكتئبوا, بس نحن في كل مرة كنا نحسسهم بالحماس للحياة الجديدة و قديش نحن مرتاحين, لذلك كانوا مطمئنين ان الوضع حيكون طبيعي. وبعدها ممكن طلّع قلقي بعيد عنهم”

وعلى رأيها ومن تجربتي بنقل تالية كل سنة بمدرسة, انو الولاد بيتأقلموا كتير أسرع من ما نتوقع وكتير أكتر منا.. وخاصة هالعمر.

السفر والتجارب مو بس مهمة النا.. السفر والعيش في بلدان مختلفة بخلّي الولاد مرينين وبعلّمهم يتكيفوا على التغيّرات بشكل سريع بالمستقبل.

لا شك لح يكون في سلبيات ومطبات للعيلة كلها, بس كما ذكرت, خلينا نعكس الطاقة الإيجابية والحماس للأولاد أكتر من الهم والقلق

كل ما نسافر بقللي رامي خسارة الولاد ما حيتذكروا شي من هالرحلة أو هالاستمتاع اللي عم نخليهم يقضوه

صحيح يمكن ما يتذكروا تفاصيل أو أي شي منها, بس السفر كتير بساعد انه ينميلهم شخصيتهم من نواحي مختلفة

كل مرة كنا نحس بانطلاقة تالية بالسفر, مع ان طبعها خجولة بس وقت نسافر بتصير بترقص بالشارع و مابهمها حدا. بتصير منطلقة.

عم انتبه كيف عميتعرفوا على أشياء جديدة ما بتخطرلنا.كلشي الولد بيسمع عنه مو متل لمّا بشوفه و بعيشه. اكتشفوا شو هية الغابة اللي بيعرفوها من Red Riding Hood.

عرفوا شو يعني شلال. صاروا يسألوني ليش في فراشات كتير, قلتلهم لأنو في طبيعة كتير
فواكه, شجر, غيوم, حيوانات كلو جديد عليهم.

شغلات كتيرة انا عم اتفاجأ فيها وعم عم لاحظها بهالتجربة لأنو متل ما هية جديدة على الولاد, هية مختلفة تماما عن البلدان اللي عشت فيها.


هي الخطوة مو سهلة بس نحن غير ندمانين أبدا.. ومع تحديّاتها فنحن سعداء بالتجارب اللي عم نمر فيها والخروج من الـــــ comfort zone تبعنا.

كم مرة تنقلتوا انتم؟ في تجارب ممكن تحكولنا عنها اذا كنتوا تنقلتوا بصغركم و كيف أثرت عليكم؟

Leave a Reply

Your email address will not be published.