fbpx

كيف نعزز الشعور بعطلة نهاية الأسبوع خلال الحجر المنزلي؟

كيف نعزز الشعور بعطلة نهاية الأسبوع خلال الحجر المنزلي؟


بفترة الحجر المنزلي، صارت الأيام كلها تشبه بعضها ولم نعد نشعر بعطلة نهاية الأسبوع، ولكن من الضروري من أجل نفسيتنا ونفسية أولادنا أن نحاول خلق عادات لكسر هذا الروتين ولكي نشعر بنفس السعادة اللّتي كنا نشعر بها من قبل عندما يحين وقت تهاية الأسبوع

كيف؟

  • اللي عنده أولاد عم تتعلم من خلال التعليم عن بعد عم تفرق معه شوي لأنه خلال الأسبوع في التزام بالدراسة فأهم شي نريّحهم وما يكون في دراسة بالويك اند
  • خلينا نرجّع عادات فطور الجمعة أو السبت متل قبل مثلا فتة حمص / بيض وحواضر / بانكيك 
  • نعمل طقوس لعب كلنا كعائلة تكون بس بالويك اند. مثلا ألعاب جماعيّة مثل المونوبلي 🎲 وغيرها أو حتى سهرة لمشاهدة فيلم. يمكن كتير من الأولاد عم تتفرج على أفلام خلال الأسبوع بس اعملوها مميزة اكتر بالويك اند مع العائلة، يعني مع تخييم مثلا⛺️: حطوا مخدات و اجواء و خليهم يتشوقوا لهالموضوع
  • نحن كمان كل ويك اند عم نعمل تعزيلة جماعية للبيت. هاد بعرف مو شي ممتع 😑 بس عم نحاول نعمله شوي مسلّي وخصوصي إنو الولاد كتيير بحبوا يساعدوا بالتنظيف فمنتساعد و منقسّم المهام

ضلكم عم تخلّوهم متشوقين لنهاية الأسبوع بإنكم تكثروا من قول🗯 :
“هي منعملها بالويك اند”
“ياي صار الويك اند”
“بكرة الويك اند”

بعرف الأيام كلها متل بعضها، بس خلّينا نحن نخلق جو ونشعر بالفرق.

Leave a Reply

Your email address will not be published.