fbpx

كيف أوطد علاقة أولادي ببعضهم

كيف أوطد علاقة أولادي ببعضهم


بيوم عيد ميلادك يا ياسر، ما بس بدي عايدك! بدي عايد تالية اللي اجاها أحلى هدية.

سعادتكم ببعض كإخوة هية مصدر سعادتي. كل ما بشوفكم عمتلعبوا سوا وتضحكوا من قلبكم بشكر ربي مليون مرة على وجودكم لبعض… كل ما بشوف حنيتكم على بعض و خوف كل واحد على التاني اذا وقع، او لمّا حدا يعطي واحد فيكم شغلة فورا بتتطلبوا متلها للتاني. كل هاد مو بس بفرحني… ❤️


من يوم اللي انولد ياسر و انا دايما عندي حرص شديد كيف وطد علاقتهم ببعض لحتى دايما يكونوا حناين عل بعضكم. و هي من احد دعواتي الهم كل ليلة.

من الشغلات اللي من وقتها و أنا بعملها:

١. كل يوم وقت النوم بخليهم يبوسوا بعض ويقولوا لبعض تصبح على خير.

٢. دايما اذا حدا مرض او صرلو شي بركّز بكلامي قدام التاني قديش زعلانة عليه لحتى ابني فكرة الحنية على بعض.

٣. لما حدا منهم بيعمل شي حلو للتاني كمان بركز على اهمية تشكره و كيف هاد الشي اللي عمله/عملته نابع من محبة.

٤. وجودهم سوا بنفس الغرفة و نومهم مع بعض كتيير مهم بالاعمار الصغيرة (اذا كانوا بنت وصبي) و اكيد اذا نفس الجنس طول العمر. مشاركة الغرفة و اوقات النوم احلى ذكرياتي انا واخواتي.

الله يجعلكم سند لبعض طول العمر. و يسعدكم سوا ولا يفرقكم عن بعض يارب🙏❤️

شاركوني كيف بتقوّوا علاقة ولادكم بعض؟

Leave a Reply

Your email address will not be published.