fbpx

تطور جديد..مرحلة جديدة في النوم

تطور جديد..مرحلة جديدة في النوم

When all he could do to resist sleep was get angry😏

New #milestone: sleeping in a regular bed

هي رابع يوم من مرحلة تغيير نومة ياسر لتخت (سرير) عادي، ورجعت معها مرحلة عدم النوم النا😫

بما انو ياسر صار يتسلّق و يطلع من تختو، صار لازم نعمل هاد التحّول

هالمرحلة متلها متل أي مرحلة تحويل أو تغيير للطفل، بدها تدريب و مرحلة تتطلّب طاقة جديدة للأهل بسبب قلة النوم اللي ستنتج لأنو استيقاظ الطفل بالليل ستزداد و حيكون بدو ينام مع أهله وصعب كتير ترجيعه لتخته. العناد من قبل الأولاد و كمية المرات اللي بقاوم الولد النوم بتخته و يكون بس هيك بدو يطلع منو، فظيعة! واذا قاوم و بكي، الولد التاني لح يصحى هاد هو حالنا هال ٤ ايام اللي مضت. كل يوم عنا سهرة بنص الليل لما ياسر بيصحى و تالية بتحس عليه وكلنا منصير قاعدين. أو الحل التاني نقبل ينام عنا وننحشر بالتخت و أنا آخر شي اطلع نام برا

بكل تجاربنا بتغيير عادة معينة مع الأولاد أي شي راح ياخد تقريبا أسبوع لحتى يتعود الطفل على العادة الجديدة. صح هي تاني ولد بس بالنسبة النا هي تجربة مختلفة لأنو مع تالية ما تعزبنا لأنها كانت ٣ سنين لمّا نقلناها واخترنا وقت راجعين من إجازة طويلة وكانت اتعوّدت تنام بسرير مفتوح

بهذه الأثناء أهم شي يكون عند الأهل
١.الصبر
٢. احترام لمشاعر الطفل (بصراحة أنا بحس هي مهمة كتير و هي دافع للصبر. بالأخير هو طفل و شي جديد بالنسبة اله: حرية جديدة. فمن المهم أننا نتفهمه)
٣. اصرار بالمثابرة بأول فترة على ترجيعه لتخته. لانو اذا مرة وحدة تساهلنا لح نرجع لنقطة الصفر و يصير الموضوع صعب علينا نحن التنين

هل كانت هي المرحلة سلسة (سهلة) بالنسبة الكم مع أولادكم؟

Leave a Reply

Your email address will not be published.