fbpx

الفرق بين العدل والمساواة مع أولادنا

الفرق بين العدل والمساواة مع أولادنا

لمّا يصير في إخوة ويكتروا الأولاد بالبيت بصير في تحدّي جديد للأهل كيف يعدلوا بين ولادهم لحتى ما تزيد الغيرة بينهم والأهل ما يشعروا بالذنب

حسيت بهالشي كتير لما انولد ياسر بس كنت ضل حاول سهّل على حالي الطريقة لتالية باختلاف الجنس.. انو انت بنت هو ولد.. بس أدركت شوي شوي انو مو هاد الصح

لازم يكون عنّا الوعي ونفرّق بين العدل و المساواة بين ولادنا. يعني لما نسمح للابن الأكبر يسهر ساعة زيادة عن أخوه اللي بيحتاج نوم أكثر مامنكون غير منصفين. بل منكون عادلين لأنو عمنتعامل مع كل ولد حسب احتياجاته و عمره

حتى اني مرات كنت لمّا دلل ياسر أو اتحمس لشي ساواه جديد قدام تالية. اللي حواليي ينتقد هالشي و يقللي حرام عليكي قدام تالية لا تعملي هيك. أنا تفكيري كان العكس… أكيييييد كنت راعي كتيير خاصة بأول فترة لحتى تتقبل وجود شخص جديد بس كان بدي تالية تعرف انه عادي هو بهالموقف بيستحق الحماس أو الحنان .. لازم ورجيها الواقع.. بس ولكن من المهم الشديد انو اعطيها بقَدر هاد الحنان بوقت تاني.. أو بمواقف تانية

الصح هو كيف نخلّي كل واحد من ولادنا يشعر إنه مميّز بطريقة وعلى حسب شخصيته وهيك منكون حققنا العدل بين أولادنا

Leave a Reply

Your email address will not be published.