fbpx

الخوف عند الأطفال

لقيت تالية هالفترة صايرة تخاف بالليل وخاصة بعد الهالوين والزينة المرعبة بكل مكان. دايما أكيد بحكيلها الله معنا وهو بيحميكي، بس لعزز هالفكرة براسها وبحياتها، استغلّيت إني حفظها “الله معي، الله ناظري، الله شاهد عليّ

و لحتى تفهم انو مافي شي اسمو “Monster” متل ماهية خايفة، قلتلها ” يا ماما بآفلام الكرتون في كتير شغلات مو حقيقية متل كيف في حيوانات بتحكي، معقول في هيك شي بالحقيقة؟طبعا لا” حسيتها شوي اقتنعت بهالمنطق بس لسا بتخاف أحيانا

هلأ صرت أعملها عادة عند النوم بعد ما اقرألها المعوذات بخليها تقول “الله معي الله ناظري الله شاهد عليّ”.. هو كالمنهج وحلاوته مو بس بطمإنها بوجود الله معها، بل كمان بعوّدها على مراقبة الله لكل أفعالها وإن شاء الله يردعها من الكذب وارتكاب المعاصي في المستقبل

شو بتحكوا لولادكم بس يكونوا خايفين؟

Leave a Reply

Your email address will not be published.