fbpx

أنا (رجّالة) لأ, أنا بنت قويّة

أنا (رجّالة) لأ, أنا بنت قويّة

أحياناً حتى لو نحن عم نربي ولادنا على انه الصبي عادي يبكي و يكون عنده مشاعر ، بس لا شعوريا اذا وقع وبكي منقله: “قوم انت رجال”! 
.
لحتى صارت تالية وقت اللي بدها تورجينا انها بطلة بتقول “أنا رجالة”.🤦‍♀️
.
هالشي خلانا نلاحظ على حالنا و نغير المصطلح لنقول لياسر: “انت ولد قوي” . و نقول لتالية: “انت بنت قوية”. وصرنا نعزز هالجملة براسهم هنن التنين ليعرفوا انو مافي فرق بالقوة بين البنت و الصبي.
.

بدي ياسر يعرف انو البنت شو ما كانت، بتقربه أو لا، فهي كمان قوية .. مالها ضعيفة يفكر انو يقدر يكسرها او يستهزء بأنوثتها.
.
وبدي تالية تعرف انو الرجال رجولته مو القوة، رجولته باحترامه للمرأة. و هي متلها متله بقوة الشخصية و بالثقة بالنفس وبالنجاح.

الرجولة لا تعني شيئاً عن القوة🚫الرجولة ليست الاستحكام بالمرأة وفرض أوامره فقط لأنه “رجال”. القوة هي انو كونوا كلهم قد حالهم، قادرين انو يعتمدوا على أنفسهم، ازدهارهم هو من نفسهم ، مو مستنين حدا يسعدهم.
.

للأسف المجتمع بشوف انو قوة المرأة على انها إمرأة متمردة و بينحكى عليها انها “قوية” بطريقة سلبية. بس للأسف كمان، نفسه المجتمع بشوف المرأة الغير قوية على انها فريسة سهلة الإيذاء (من الجميع).
.

وأهم شي لحتى بنتي تكون “امرأة قوية” لازم أنا كأم كون مثال لهالشي، و كون إمرأة قوية بشخصيتي، بنجاحي، بصبري، باعتمادي على حالي.
.
يمكن ما نكون نملك تلك الخصلة من القوة ، أو بعضنا أقوياء بشيء و بأشياء تانية لا، بس اللي بعرفه أنّ حبّي واصراري لتكون بنتي إمرأة قوية هو أكبر دافع الي اني أنا كون قوية و قوّي حالي كرمالي و كرمالها.
.
و خلينا كلنا نستبدل جملة انت رجال❌ بإنت ولد قوي✅و نأكد عالبنت انها بنت قوية💪🏻💪🏻🙏.
.
.
بتقولوا لولادكم جملة لا تبكي انت رجال؟ و هل بتحسي لازم نغير المصطلح او شو رأيكم بالموضوع؟ حابة اسمع رأيكم.
.

Leave a Reply

Your email address will not be published.